فُحولِ علمانڭ كتابلرينه حواله ايدرم. زيرا بڭا حاجت بيراقمامشلر.
مقدّمه
أهلِ دقّتڭ معلوميدر كه: مقاصدِ قرآنيهنڭ فذلكهسى درتدر: صانعِ واحدڭ إثباتى و نبوّت و حشرِ جسمانى و عدلدر.
برنجى مقصد، دلائلِ صانع بيانندهدر. بر برهانى ده محمّددر (عليه السلام). صانعڭ وجود و وحدتى، إثباته إحتياجدن مستغنيدر. لاسيّما مسلمانلره قارشى چوق درجه أجلى و أظهردر. بناءً عليه خطابمى أجانبه، باخصوص ژاپونيايه توجيه أيلدم. زيرا اونلر أسكيده بعض سؤاللر ايتمشديلر، بن ده جواب ويرمشدم. شيمدى إختصار ايله يالڭز بر ايكى سؤاللرينه متعلّق او جوابڭ بر پارچهسنى سويله يهجگم. اونلردن بر سؤال: