فوطوغرافيله آلينان تمثالِ نورانيله سلطانِ أزلى إعلان ايدن خريطۀِ نورانيهسيدر و ترجمانِ بليغيدر. أوت وجدانڭ أسرارأنگيز اولان نطقِ بليغانهسنى جمعيتِ كائناته قارشى وكالةً إنشاد ايدن خطيبِ فصيحى و كائناته حاكمِ أزلى إعلان ايدن ايمانڭ مبلّغِ بليغى اولان لسانڭ ألنده بر منشورِ لا يزاليدر.
إشارت: بو كلمۀِ شهادتڭ ايكى كلامى بربرينه شاهدِ صادقدر و بربرينى تزكيه ايدر. أوت الوهيت نبوّته برهانِ لمّىدر. محمّد عليه السلام، صانعِ ذو الجلاله ذاتيله و لسانيله برهانِ إنّىدر...
تنبيه: حقائقِ عقائدِ إسلاميه، بتون تفرّعاتيله كتبِ إسلاميهده مفصّلًا مبرهنه و مصرَّحهدر، گورونهبيلير. و گورولن شيئى گوسترمك، ظاهرڭ خفاسنه ويا مخاطبڭ غباوتنه إشارت و تجهيل اولديغندن، عقيدهنڭ يالڭز اوچ درت عنصرينى بيان ايدهجگم. ديگر حقائقنى