شمندوفرى ياپاجغز. صوڭره دونوب گلمك اوزره اولان أبناءِ جنسمزى زيارت و إستقبال ايچون سعادتڭ فجرِ صادقنى اوزاقدن گورمك و گوسترمك ايله مشرقِ إستقباله متوجّه اولارق شمندوفرِ ترقّىيه و توفيق دينيلن سفينۀِ سعيه بينديگمز ايله برابر أللريمزده اولان برهانڭ مصباحيله، او بدايتى قراڭلق گورولن فقط آرقهسى غايت پارلاق اولان زمانه داخل اولاجغز. تا أبناءِ مستقبل ايله مصافحه ايدوب سعادتلرينى تبريك ايدهجگز...
ايشته بو كوچك فوطوغرافده اويله بر گوزل رسم مندمجدر كه، ايلريده تحرير ايله سڭا گورونهجكدر. شيمدى بو زمينده كتبِ مزبورهنڭ شجرهلرى تنبّت و مقالاتِ ثلاثهنڭ جداوليله صولانهجقدر.
أى برادر!.. سنڭ ألڭى طوتوب خزينۀِ حقائقه گوتورمكدن أوّل، وعد ايتديگم بر قاچ مسئله ايله