أصدافنده آرا. يوقسه قارمهقاريشيق اولان سنڭ جيبڭدن آراما؛ زيرا بولامييورسڭ. بولسهڭ ده سكّۀِ بلاغت اولماديغندن قرآن قبول ايتمز.
زيرا مقرّردر: أصل معنا اودر كه: ألفاظ اونى صماخده بوشالتديغى گبى ذهنه نفوذ ايدهرك وجدان دخى تشرّب ايتمكله، أزاهيرِ أفكارى فيضياب ايدن شيدر. يوقسه باشقه شيئڭ كثرتِ توغّلندن سنڭ خيالڭه تداخل ايدن بعض إحتمالات.. وياخود حكمتڭ أباطيلندن و حكاياتڭ أساطيرندن سرقت ايدوب جيبده طولديرهرق صوڭره آيات و أحاديثڭ تلافيفنده گيزلتمك، چيقارتمق، ألده طوتمق، چاغيرمق كه: «بودر معنا، گليڭز، آليڭز» ديديگڭ وقت آلاجغڭ جواب شودر: «ياهو!. ايشته سنڭ معناڭ سيليكدر. سكّهسى تقليددر، نقّادِ حقيقت ردّ ايدر. سلطانِ إعجاز دخى اونى ضرب ايدنى طرد ايدر. سن آيت و حديثڭ نظاملرينه تعرّض ايتديگڭدن آيت