بعض نقلياتِ صادقهلريله و بعض محرّف إسرائلياتڭ اورتهسنده بر مطابقت و مناسبت إستنباط ايتديلر.
هم ده حقيقى اولان عقلياتلريله موهوم و مُمَوَّهْ اولان شو حكمت آراسنده بر مشابهت و موافقت توهّم أيلهدكلرندن، شو مطابقت و مشابهتى كتاب و سنّتڭ معنالرينه تفسير و مقصدلرينه بيان ظن ايدوب حُكم أيلديلر.
كلّا.. ثمّ كلّا!.. زيرا كتابِ معجز البيانڭ مصداقى إعجازيدر. مفسّرى أجزاسيدر. معناسى ايچندهدر. صدفنده دُرّدر، مَدَرْ دگلدر. فرضا بو مطابقتى إظهار ايتمكدن مقصد، او شاهدِ صادقڭ تزكيهسى ايچون اولسه ده ينه عبثدر. زيرا قرآنِ مبين، اوڭا مقاليدِ إنقيادى تسليم ايدن اويله عقل و نقلڭ تزكيهلرندن پك يوكسك و غنيدر. چونكه او، اونلرى تزكيه ايتمزسه؛ شهادتلرى مسموع اولاماز. أوت ثريّايى ثراده دگل، سماده آرامق گركدر. قرآنڭ معانيسنى ده