الحاصل: بو حقيقتى پيشِ نظره گتيرهمهين و آيتلرى موازنه و طوغرى محاكمه ايدهمهين، مشهور بكتاشى گبى كه: نمازڭ تركنده تعلّل يولنده ديمش: «قرآن دييور: (لَا تَقْرَبُوا الصَّلٰوةَ) ايلريسنه ده حافظ دگلم.» نظرِ حقيقته قارشى مسخره اولاجقدر.
ايكنجى مقدّمه
ماضيده نظرى اولان بر شى، مستقبلده بديهى اولابيلير. شويله تحقّق ايتمشدر. عالمده مَيل الإستكمال واردر. (١) اونڭ ايله خلقتِ عالم، قانونِ تكامله
___
(*): بزم بر كرد ديمشدر:
هر ذرّهده تمايل عياندر تكامله
هر صويده فيوضِ هويدانما ايله
بر نقطۀِ كماله شتاب اوزره كائنات،
اول نقطهيه توجّه ايله يوكسلير حيات.
قهريات