معارضه ايدييور. او حقيقت ايسه بودر: خلقتده إسراف و عبث يوقدر. و حكمتِ أزليه، قيصه و مستقيم يولى ترك ايتمز. اوزون و متعسّف يولى إختيار ايتمز. اويله ايسه؛ عجبا إستقراءِ تامّڭ مجازه قرينه اولماسندن نه مانع تصوّر اولونور و نهدن جائز اولماسين؟..
تنبيه: أگر ايسترسهڭ مقدّماته گير. برنجى مقدّمه يى صُغرا و اوچنجى مقدّمه يى كبرا ياپ. سڭا نتيجه ويرهجكدر كه: أهلِ ظاهرڭ ذهنلرينى تشويش ايدن، فلسفۀِ يونانيهيه إنجذابلريدر. حتّى او فلسفهيه فهمِ آيتده بر أساسِ مسلّمه نظريله باقييورلر. حتّى اوغلى ئولمش بر قوجهقارى يى گولديرهجك درجهده بر مثال بودر كه: بعضلر اويله بر ذاتڭ كلامندهكى فلوسِ فلسفه يى، جوهرِ حقيقتدن تمييز ايتميهجك درجهدن پك چوق درجهده عالى اولان او ذاتِ نقّاد، كردجه ديمش كه:
﴿عَنَاصِرْ چِهَارِنْ ژِوَانِنْ مَلَكْ﴾