سعادتدن صوڭره علامتِ قيامت اولسون... هم ده سدّڭ إنهدامى، عمرِ أرضه نسبةً يرڭ يوزنده إختيارلقدن بر بروشقلقدر. بلكه تمامِ نهاره نسبةً وقتِ إصفرار گبيدر. أگرچه بيڭلر سنه ده فاصل اولسه... كذالك يأجوج و مأجوجڭ إختلاللرى، نوعِ بشرڭ شيخوختندن گلمه بر حُمٰى و صيتمهسى حكمندهدر. بوندن صوڭره اون ايكنجى مقدّمهنڭ فاتحهسنده بر تأويلِ آخَر سڭا فتحِ باب ايدر. شويله: قرآن حصصى ايچون قصصى ذكر ايتديگى گبى، عُقَدِ حياتيه حكمنده و مقاصدِ قرآنيهدن بر مقصدينه مناسب نقطهلرى إنتخاب و ربطِ مقصده إتّصال ايتديرييور. أگرچه خارجده و حصولده بربرينڭ نارى ويا نورى بربريله گورونمديگى حالده، ذهنڭده و اُسلوبده تعانق و مصاحبت ايدهبيليرلر. حينا كه، قصّه حصّه ايچوندر؛ سڭا نه لازم تشريحاتى.. ناصل اولورسه اولسون سڭا تعلّق ايدهمز. كندى حصّهڭى آل، گيت. هم ده اوننجى مقدّمهدن إستظهار