برنجى مقاله
مقصده عروج ايتمك ايچون مقدّمهلردن إستمداد ايتمك، أهلِ تحقيقڭ دستورلرندندر. اويله ايسه بز ده اون ايكى باصامقلى بر نردبان ياپاجغز.
برنجى مقدّمه
تقرّر ايتمش اصولدندر: عقل و نقل تعارض ايتدكلرى وقتده، عقل أصل إعتبار و نقل تأويل اولونور. فقط او عقل، عقل اولسه گركدر.
هم ده تحقّق ايتمش: قرآنڭ هر بر طرفنده إنتشار ايدن مقاصدِ أساسيه و عناصرِ أصليه درتدر. اونلر ده: إثباتِ صانعِ واحد و نبوّت و حشرِ جسمانى و عدالتدر.