ديمك أى نفسم!
أگر حياتِ دنيويهيى غايۀِ مقصد ياپسهڭ و اوڭا دائم چاليشسهڭ، أڭ أدنا بر سرچه قوشنڭ بر نفرى حكمنده اولورسڭ.
أگر حياتِ اُخرويهيى غايۀِ مقصد ياپسهڭ و شو حياتى دخى اوڭا وسيله و مزرعه ايتسهڭ و اوڭا گوره چاليشسهڭ؛ او وقت حيواناتڭ بيوك بر قوماندانى حكمنده و شو دنياده جنابِ حقّڭ نازلى و نيازدار بر عبدى، مكرّم و محترم بر مسافرى اولورسڭ.
ايشته سڭا ايكى يول.
ايستديگڭى إنتخاب ايدهبيليرسڭ.
هدايت و توفيقى أرحم الرّاحميندن ايسته.
❊ ❊ ❊