بو آخركى ايكى مسئلهده پك قيصه كسمگه كاغد مجبور ايتدى. نور، گل و لطفينڭ قهرمان وارثلرى، مباركلر يوكسك هيئتى و مدرسۀِ نوريه و معصوملر و اُمّى إختيارلرڭ هر بريسنه بيڭلر سلام ايدييورز.
دعاڭزه محتاج، سزه مشتاق قارداشڭز
سعيد النورسى
* * *
عزيز، صدّيق، صارصيلماز، ييلماز، ثباتكار، فداكار قارداشلرم!
بويله شدّتلى تعرّضلره قارشى سزى تشجيعه لزوم گورمييورم. سزڭ قوّتلى متانتڭز و رسالۀِ النوره گلن هر حادثۀِ أليمهنڭ آلتنده بر عنايت و رحمت بولونديغنه ِإعتقاديڭز، تشجيعڭزه كافيدر، بيليورز. يالڭز بر نقطهيى مراق ايدييورم. ألده ايديلن بتون رسالۀِ النور، يالڭز بر طاقم ميدر و كيمڭ ايمش؟ آڭلامق ايستهيورم. هر كيمڭسه مراق ايتمهسين. داها أهمّيتلى مقاملرده اونڭ حسابنه فتوحات ياپارلر، ثواب قزانديرر. اوڭا، بر طاقم رسالۀِ النور تدارك ايديلهبيلير. هم توقيف آلتنده كيمسه وار مى؟ هم اوڭا حواله ايديلن خواجه كيمدر؟
ثانيًا: صبرى ايله حافظ علينڭ رأيى ايله تسهيلِ مخابره ايچون ويرديگى قرار ايله بعضًا آتابك يوليله مخابرهيى، اونلر گبى بز ده قبول ايتدك. لطفينڭ بر وارثى عبد اللّٰه چاوش ناميله، آدرسيله گوندريلهجك.
ثالثًا: صبرينڭ مكتوبنده، توافقلى يازديغى معجزاتِ قرآنيه و رسالۀِ النور حقّندهكى إستخراجى بزى فوق العاده مسرور أيلدى. حسن عاطفڭ بزه يازديغى