إخطار: وثنى مذهبنڭ منشئى؛ ييلديزلرى إِلٰه إعتقاد ايتمك، حلولى تخيّل ايتمك، جسميتى توهّم ايتمك گبى گولنج شيلردر.
(وَ اَنْتُمْ تَعْلَمُونَ) : بو جمله ايله آيتلرڭ صوڭنده ذكر ايديلن أمثالى جملهلر، إسلاميتڭ منشئى علم، أساسى عقل اولديغنه إشارت ايدر. بناءً عليه إسلاميتڭ حقيقتى قبول و سفسطهلى أوهامى ردّ ايتمك، شانندندر.
(تَعْلَمُونَ) يه بر مفعولڭ تركى، چوق مفعوللرڭ تقديرينه سبب اولمشدر. ديمك ايجاز و إختصارى ياپمقله إطناب و اوزاتمقدن قاچار ايكن، داها زياده إطنابه، تطويله سبب اولمشدر. يعنى: اللّٰهدن باشقه معبوديڭز اولماديغنى، خالقڭزڭ بولونماديغنى، باشقه بر قادرِ مطلق اولماديغنى و منعمڭزڭ بولونماديغنى بيليرسڭز. كذا بيليرسڭز كه، اونلرڭ اويدوردقلرى آلهه و أصنام، بر شيئه قادر اولمايوب، اونلر ده مخلوق و مجعول شيلردر.
* * *