اللّٰهڭ برلگنه ايمان ايتمك حقيقتِ كبراسنى إعلان ايدييوركن، قرآن لسانِ بلاغتڭ أڭ يوكسگنه و نزاهتڭ شاهقهسنه وارر. قرآن اللّٰهڭ إرادهسنه إطاعتى، اللّٰهه عصيانڭ نتيجهلرينى ايضاح ايدركن، إنسانلرڭ مخيّلهسنى ألكتريقلهين أڭ سيّال لسانى قوللانير. رسولِ كبريايه تسلّى ويرمك و اونى تشويق ايتمك، ياخود خلقى سائر پيغمبرلرڭ أحواليله، ملّتلرينڭ عاقبتيله قورقوتمق ايجاب ايتديگى زمان، قرآنڭ لسانى أڭ قطعى جدّيتى آلمقدهدر. مادام كه قرآنڭ بربرينه دشمن قبيلهلرى، يكديگريله مجادله ايدن عنصرلرى درلى طوپلو بر ملّت حالنه گتيرديگنى، اونلرى أسكى فكرلرندن داها ايلرى بر سويهيه يوكسلتديگنى گورويورز؛ او حالده بلاغتِ قرآنيهنڭ مكمّليتنه حكم ايتملىيز. چونكه قرآنڭ بو بلاغتى، وحشى قبيلهلرى مدنى بر ملّت حالنه گتيرمش؛ دنيانڭ أسكى تاريخنه يڭى بر قوّت علاوه ايتمشدر. زمان و مكان إعتباريله بربرندن چوق اوزاق اولدقلرى گبى، فكرى إنكشاف إعتباريله ده بربرندن چوق فرقلى إنسانلره خارق العاده بر حسّاسيت إلهام ايدن و مخالفتى حيرته و إستحسانه قلب ايدن قرآن، أڭ شايانِ حيرت أثر طانينمغه لايقدر. قرآن، بشرڭ مقدّراتيله مشغول عالملر ايچون تتبّعه شايان أڭ فائدهلى موضوع صاييلير.
دوقتور شتينجاس
* * *
قرآنڭ لسانى، نزاهت و بلاغت إعتباريله نظيرسزدر. قرآن بِذاته محتشم بر معجزهدر
قرآنڭ متعصّب منقّدى و مترجمى جورج سيل دييور كه:
قرآن، عربجهنڭ أڭ مكمّل و پك موثوق بر أثريدر. مسلمانلرڭ إعتقادى وجهيله؛ بر إنسان قلمى، بو إعجازكار أثرى وجوده گتيرهمز. قرآن بِذاته دائمى بر