وقت ديڭلر. قوّۀِ شهويه و غضبيه ايسه، شيطان دسيسه‌لرينه هم قابله، هم ناقله ايكى جهاز حكمنده‌درلر.

ايشته بونڭ ايچوندر كه، جنابِ حقّڭ «غفور» ، «رحيم» گبى ايكى إسمى، تجلّئِ أعظمله أهلِ ايمانه توجّه ايدييور. و قرآنِ حكيمده پيغمبرلره أڭ مهمّ إحسانى، مغفرت اولديغنى گوسترييور و اونلرى، إستغفار ايتمگه دعوت ايدييور. (بِسْمِ اللّٰهِ الرَّحْمٰنِ الرَّحٖيمِ) كلمۀِ قدسيه‌سنى هر سوره باشنده تكرار ايله و هر مبارك ايشلرده ذكرينه أمر ايتمسيله، كائناتى إحاطه ايدن رحمتِ واسعه‌سنى ملجأ و تحصّنگاه گوسترييور و (فَاسْتَعِذْ) أمريله (اَعُوذُ بِاللّٰهِ مِنَ الشَّيْطَانِ الرَّجٖيمِ) كلمه‌سنى سپر ياپييور.

آلتنجى إشارت: شيطانڭ أڭ تهلكه‌لى بر دسيسه‌سى شودر كه: بعض حسّاس و صافى‌قلب