ج - حيات بر فعاليت و حركتدر. شوق ايسه مطيّه‌سيدر. ايشته همّتڭز شوقه بينوب مبارزۀِ حيات ميداننه چيقديغى وقت، أڭ أوّل دشمنِ شديد اولان يأس راست گلير. قوّۀِ معنويه‌سنى قيرار. سز او دشمنه قارشى (لَا تَقْنَطُوا) قلنجنى إستعمال ايديڭز.

صوڭره مزاحمتسز اولان حقّڭ خدمتنڭ يرينى ضبط ايدن مَيل التفوّق إستبدادى هجومه باشلار. همّتڭ باشنه وورور، آتندن دوشورتديرر. سز (كُونُوا لِلّٰهِ) حقيقتنى او دشمنه گوندريڭز.

صوڭره ده عللِ متسلسله‌ده‌كى ترتّبى آتلامقله مشوّش ايدن عجوليت چيقار، همّتڭ آياغنى قايديرر. سز، (وَاصْبِرُوا وَصَابِرُوا وَرَابِطُوا) يى سپر ايديڭز.