صوچله مناسبت و علاقهم اولماديغنى كمالِ قطعيتله يقينًا و وجدانًا بيلييورم يا. دينى سياسته آلَت ايدهجك بر آدم اولماديغمى بتون إنصاف دنياسى ده بيلييور يا. حتّى بنى بو صوچله إتهام ايدنلر ده بيلييورلر يا. او حالده نهدن بڭا بو ظلمى ياپمقده إصرار ايدوب طورديلر؟ نهدن بن صوچسز و معصوم اولديغم حالده بويله دواملى بر ظلمه و معنّد بر إشكنجهيه معروض قالدم؟ نهدن بو مصيبتلردن قورتولامدم؟ بو أحوال عدالتِ إلٰهيهيه مخالف دوشمز مى؟
بر چاريك عصردر بو سؤاللرڭ جوابلرينى بولامييوردم. بڭا ظلم و إشكنجه ياپدقلرينڭ حقيقى سببنى شيمدى بيلدم. بن كمالِ تأثّرله سويلهرم كه، بنم صوچم: خدمتِ قرآنيهمى مادّى معنوى ترقّياتمه، كمالاته آلَت ياپمقمش.
شيمدى بونى آڭلايورم، حسّ ايدييورم، اللّٰهه بيڭلرله شكر ايدييورم كه: