محكمهيه سوق ايديلييورم. بو ظالمانه إشكنجهلرى ياپانلرڭ بڭا عطف ايتدكلرى صوچ نهدر؟ دينى سياسته آلَت ياپمق مى؟ فقط نه ايچون بونى تحقّق ايتديرهمييورلر؟ چونكه حقيقتِ حالده بويله بر شى يوقدر. بر محكمه آيلرجه، سنهلرجه صوچ بولوب ده بنى محكوم ايتمگه اوغراشييور. او بيراقييور؛ ديگر بر محكمه عين مسئلهدن طولايى بنى تكرار محاكمه آلتنه آلييور. بر مدّت ده او اوغراشييور؛ بنى تضييق ايدييور؛ درلو درلو إشكنجهلره معروض قيلييور. او ده نتيجه ألده ايدهمييور، بيراقييور. بو دفعه بر اوچنجيسى ياقامه ياپيشييور. بويلهجه مصيبتدن مصيبته، فلاكتدن فلاكته سوروكلهنوب گيدييورم. يگرمى سكز سنه عمرم بويله گچدى. بڭا إسناد ايتدكلرى صوچڭ أصلى أساسى اولماديغنى نهايت كنديلرى ده آڭلاديلر.
اونلر بو إتهامى قصدًا مى ياپديلر، يوقسه بر وهمه مى قاپيلديلر؟ ايستر قصد، ايستر وهم اولسون؛ بنم بويله بر