تلقّى ايده‌رك؛ مسبّباتى يالڭز جنابِ حقدن ايسته‌مك و نتيجه‌لرى اوندن بيلمك و اوڭا منّتدار اولمقدن عبارتدر.

توكّل ايدن و ايتمه ينڭ مثاللرى، شو حكايه يه بڭزر:

وقتيله ايكى آدم هم بللرينه، هم باشلرينه آغير يوكلر يوكله‌نوب، بيوك بر سفينه يه بر بيلت آلوب گيرديلر. بريسى گيرر گيرمز يوكنى گمى يه بيراقوب، اوستنده اوطوروب نظارت ايدر. ديگرى هم أحمق، هم مغرور اولديغندن يوكنى يره بيراقمييور. اوڭا دينيلدى: «آغير يوكڭى گمى يه بيراقوب راحت ايت.» او ديدى: «يوق، بن بيراقميه‌جغم. بلكه ضايع اولور. بن قوّتلى يم. مالمى، بلمده و باشمده محافظه ايده‌جگم.» ينه اوڭا دينيلدى: «بزى و سزى قالديران شو أمنيتلى سفينۀِ سلطانيه داها قوّتليدر، داها زياده ايى محافظه ايدر. بلكه باشڭ دونر، يوكڭ ايله برابر دڭزه دوشرسڭ. هم گيتدكجه قوّتدن دوشرسڭ. شو بوكولمش بلڭ، شو