أوت بو كُرۀِ أرضه مأموريتله گوندريلن هر إنسان، بوراده مسافر و فانى اولديغى و ماهيتى بر حياتِ باقيه يه متوجّه بولونديغى قطعيًا تحقّق ايتمشدر. او هر بر إنسان، بو زمانده حياتِ أبديه‌سنى قورتاره‌جق اولان إستناد قلعه‌لرى صارصيلديغندن بو دنياسنى و ايچنده‌كى بتون علاقه‌دار أحبابنى أبدى ترك ايتمكله برابر، بو دنيادن بيڭلر درجه داها مكمّل باقى بر ملكى ده غيب ايتمك ويا قزانمق دعواسى باشنه آچيلمش. أگر ايمان وثيقه‌سى اولمازسه و براتى و سندى اولان إعتقادى صاغلام بر صورتده ألده ايتمزسه، او دعوايى غيب ايدر. عجبا بو غيب ايتديگى شيئڭ يرينى هانگى شى طولديره‌بيلير؟
ايشته بو حقيقته بناءً، بنم و قارداشلريمڭ هر بريمزڭ يوز درجه عقلمز و فكريمز زياده‌لشسه ده، بو معظّم وظيفۀِ قدسيه‌نڭ خدمتنه آنجق كافى گله‌بيلير. سائر مسائله باقمق، بزه فضولى و مالايعنى اولور. يالڭز بو قدر وار كه، رسالۀِ نور شاكردلرينڭ بر قسمى اوته‌كى دعوالر