اولديغى قدر هر يرده كوچوجك برر درسخانۀِ نوريه آچمق لازمدر. گرچه هركس كندى كندينه بر درجه إستفاده ايدر، فقط هركس هر بر مسئله‌سنى تام آڭلاماز. ايمان حقيقتلرينڭ ايضاحى اولديغى ايچون؛ هم علم، هم معرفت اللّٰه ، هم حضور، هم عبادتدر. أسكى مدرسه‌لرده بش اون سنه يه مقابل، إن شاء اللّٰه نور مدرسه‌لرى بش اون هفته‌ده عين نتيجه يى تأمين ايده‌جك و يگرمى سنه‌در ايدييور. هم حكومت، بو ملّت و وطنڭ حياتِ دنيويه‌سنه و سياسيه‌سنه و اُخرويه‌سنه پك چوق فائده‌سى بولونان بو قرآن لمعاتلرينه و قرآن دلاّلى اولان رسالۀِ نوره دگل ايليشمك، بلكه تماميله ترويج و نشرينه چاليشمه‌لرى ألزمدر كه؛ گچن دهشتلى گناهلره كفّارت و گله‌جك شدّتلى بلالره و آنارشيلگه قارشى بر سد اولابيلسين.
سعيد النورسى
❊ ❊ ❊