دشمنلرينى تسليمه مجبور ايتمش. هم قلبى، هم روحى، هم حسّياتى تام تنوير ايده‌جك و علاجلرينى ويره‌جك بر طرزده خزينۀِ قرآنيه‌نڭ دلاّللغنى ياپان و اوندن باشقه مأخذى و مرجعى اولميان و بر معجزۀِ معنويه‌سى بولونان رسالۀِ نور او وظيفه يى تام ياپييور و عليهنده‌كى دهشتلى پروپاغنده‌لره و غايت معنّد زنديقلره تام غلبه چالمش و ضلالتڭ أڭ سرت قوّتلى قلعه‌سى اولان طبيعتى، طبيعت رساله‌سيله پارچه پارچه ايتمش و غفلتڭ أڭ قالين و بوغوجى و گنيش دائرۀِ آفاقنده و فنّڭ أڭ گنيش پرده‌لرنده عصاىِ موسى‌ده‌كى ميوه‌نڭ آلتنجى مسئله‌سى و برنجى، ايكنجى، اوچنجى، سكزنجى حجّتلريله غايت پارلاق بر طرزده غفلتى طاغيتوب، نورِ توحيدى گوسترمش.
ألبته بزه لازم و ملّته ألزمدر كه، شيمدى رسمًا إذن ويريلن دين تدريساتى ايچون خصوصى درسخانه‌لر آچيلمغه إذن ويريلمسنه بناءً، نور شاكردلرى ممكن