﴿بِاسْمِهٖ سُبْحَانَهُ ۞ وَاِنْ مِنْ شَىْءٍ اِلَّا يُسَبِّحُ بِحَمْدِهٖ﴾
﴿اَلسَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ اَبَدًا دَائِمًا﴾
عزيز يڭى قارداشلرم و أسكى محبوسلر !
بنم قطعى قناعتم گلمش كه؛ بورايه گيرمه‌مزڭ عنايتِ إلٰهيه جهتنده بر أهمّيتلى سببى سزسڭز. يعنى، نورلر تسلّيلريله و ايمانڭ حقيقتلريله سزى بو حپس مصيبتنڭ صيقنتيلرندن و دنيوى چوق ضررلرندن و بوش بوشنه غم و حزن ايله گيدن حياتڭزى فائده‌سزلكدن، بادِ هوا ضايع اولماسندن و دنياڭزڭ آغلامه‌سى گبى آخرتڭزى آغلامقدن قورتاروب تام بر تسلّى سزه ويرمكدر. مادام حقيقت بودر. ألبته سز دخى، دڭزلى محبوسلرى و نور طلبه‌لرى گبى بربريڭزه قارداش اولماڭز لازمدر. گورييورسڭز كه: بر بيچاق ايچڭزه گيرمه‌مك