ايتسين؛ سلامتله قبر قپوسنى آچوب سعادتِ أبديه يه گيرسين.
❊ ❊ ❊
يدنجى سؤالڭز:
﴿خَيْرُ شَبَابِكُمْ مَنْ تَشَبَّهَ بِكُهُولِكُمْ وَشَرُّ كُهُولِكُمْ مَنْ تَشَبَّهَ بِشَبَابِكُمْ﴾
حديث ميدر؛ بوندن مراد نه‌در؟
الجواب: حديث اولارق ايشيتمشم. مراد ده شودر كه: «أڭ خيرلى گنج اودر كه؛ إختيار گبى ئولومى دوشونوب آخرتنه چاليشه‌رق، گنجلك هوساتنه أسير اولمايوب غفلتده بوغولمياندر. و إختيارلريڭزڭ أڭ كوتوسى اودر كه؛ غفلتده و هوساتده گنجلره بڭزه‌مك ايستر؛ چوجقجه‌سنه هوساتِ نفسانيه يه تابع اولور.»
سنڭ لوحه‌ڭده گورديگڭ ايكنجى پارچه‌نڭ صحيح صورتى شودر كه؛ بن باشمڭ اوستنده اونى بر