أى رسالۀِ نور
سندن طولويور وجدانلره هپ حظِّ سُرور
سندن طوغويور قلبلره هر معناىِ حضور
مصباحِ مؤيّده قيلدى سنى ذاتِ شكور
نورِ أزلڭ مشكاتيسڭ أى رسالۀِ نور
برجِ أبدڭ مرصاديسڭ أى رسالۀِ نور
بو عصرده أمّته بر إحسانِ خداسڭ
سن بو هويتله أوت محضِ هداسڭ
حق يوله داعى و ضلالتدن جداسڭ
نورِ أزلڭ مشكاتيسڭ أى رسالۀِ نور
برجِ أبدڭ مرصاديسڭ أى رسالۀِ نور
ميزابيسڭ پرنور (اِنَّا اَعْطَيْنَا) مغزينڭ
هم دخى مفتاحيسڭ (اِنَّا فَتَحْنَا) رمزينڭ
(وَالضُّحٰى) سيسڭ گمانسز نبوّت شمسنڭ
نورِ أزلڭ مشكاتيسڭ أى رسالۀِ نور
برجِ أبدڭ مرصاديسڭ أى رسالۀِ نور