رسالۀِ نوره گل
أيّها الإخوان گل نوره گل، ايمانه گل
فتحِ نصرتله آچيلمش رايتِ قرآنه گل
باق هدايت شمسينڭ أنوارينه بر گوز آچوب
كلّياتِ نورى گور، إحسانه باق، رحمانه گل
پردۀِ ظلماتى ييرتمش، أرضى پرنور أيلهمش
جبهۀِ أنواره گل، طلسمكشِ سلطانه گل
منكشف سطحنده أسرار، منعكس بحرنده نور
أى سعادت داعيسى آيينۀِ فرقانه گل
ايتمه قرآنڭ ضياسندن صاقين قطعِ نظر
سفرۀِ رحمانه آچيق إكرامه گل، إحسانه گل
إشتياقڭ نور ايچون أعصارى طولديرمش ايكن
أبكمِ لال اولمه أى نور بكلهين إذعانه گل
عهدِ ميثاقى فراموش أيلهمك لايق دگل
دعوتِ رحمٰن بودر گل عهد ايله پيمانه گل
فهمنه، إدراكنه عصرڭ بو نور أيلر خطاب
قلعۀِ أمان بودر، أمانه گل، فرمانه گل