رسالۀِ نورڭ مثنوئِ عربيسنڭ برنجى رسالهسى
اللمعات
توحيده دائر اولوب رسالۀِ نوردهكى يگرمى ايكنجى سوزڭ أساسى و بر جهتده عربجهسيدر. اون درت لمعه ايله توحيدڭ أڭ اينجه حقيقتلرينى، أڭ مفصّل بر صورتده
﴿وَفٖى كُلِّ شَىْءٍ لَهُ اٰيَةٌ تَدُلُّ عَلٰى اَنَّهُ وَاحِدٌ﴾
حقيقتنه مظهر ايدهجك بر سلسلۀِ دلائل و شهادتى إبراز ايدن چوق قيمتدار و هوا، صو، أكمك گبى هركسڭ محتاج اولديغى بر رسالهدر.
نورڭ مثنوئِ عربيسنڭ باشنده درج ايديلن اللاسيمات، اللمعات، الرشحات إسملرندهكى اوچ رساله، آخردهكى رسالهلر گبى متفرّق مسئلهلردن باحث دگلدر. عين موضوع اوزرنده گيدييورلر.
ايكنجى رسالهسى
الرشحات
بو رشحهلر رسالهسى، ايمانڭ أڭ مهمّ اوچ أركانندن نبوّتڭ حقيقتنى و نبوّتِ أحمديهيى (عصم) غايت قطعى و پارلاق برهانلرله إثبات ايدييور. شمس ناصل ضيا ويرمهمسى ممكن دگلدر. عينًا اويله ده: الوهيت ده رسالتسز ممكن اولماديغنى إثبات ايدييور. و نبوّتڭ حقيقتنى گونش گبى گوسترييور. كائناتى مجسّم بر قرآنِ