رسالۀِ نورڭ عربى مثنوئِ شريفنڭ فهرستهسيدر.
رسالۀِ نورڭ بر نوع چكردگى و فدانلغى حكمندهكى بو معظّم مثنوئِ نوريه اون رسالهدن عبارتدر. ايچلرنده قطره، حباب، حبّه گبى رسالهلرڭ ايكيشر ذيللرى واردر. بو چوق قيمتلى و خارقه مجموعهنڭ باشنده هم توركجه، هم عربجه بر مقدّمه وار. بو مثنوئِ عربينڭ هانگى سائقلرله تأليف ايديلديگنى و معرفة اللّٰهه ناصل بر پنجره آچديغنى و عادتا بو مجموعه بر عصاىِ موسى گبى نرهيه وورمش ايسه صو چيقارديغنى غايت بليغ و ساده بر اُسلوب ايله بيان ايتمشدر. بو مهمّ مجموعهنڭ مِثلسز قيمتنى بر درجه اولسون بيان ايتمك فكريله مقدّمهسنى عينًا درج ايدييورز.
رسالۀِ نورڭ بر نوع عربى مثنوئِ شريفى حكمنده اولان بو مجموعهنڭ مقدّمهسى «بش نقطه»در.
برنجى نقطه:
قرق أللى سنه أوّل أسكى سعيد، زياده علومِ عقليه و فلسفيهده حركت ايتديگى ايچون، حقيقة الحقائقه قارشى أهلِ طريقت و أهلِ حقيقت گبى بر مسلك آرادى. أكثر أهلِ طريقت گبى يالڭز قلبًا حركته قناعت ايدهمدى.