ايشته ديانت سلسلهسنه إطاعت ايتمه ين سلسلۀِ فلسفه كه، بر شجرۀِ زقّوم صورتنى آلوب، شرك و ضلالت ظلماتنى أطرافنه طاغيتير. حتّى قوّۀِ عقليه دالنده؛ دهريّون، مادّيون، طبيعيّون ميوهلرينى، بشر عقلنڭ ألنه ويرمش. و قوّۀِ غضبيه دالنده؛ نمرودلرى، فرعونلرى، شدّادلرى (حاشيه) بشرڭ باشنه آتمش. و قوّۀِ شهويۀِ بهيميه دالنده؛ آلههلرى، صنملرى و الوهيت دعوا
___
(حاشيه): أوت نمرودلرى، فرعونلرى يتيشديرن و دايهلك ايدوب أمزيرن، أسكى مصر و بابلڭ يا سحر درجهسنه چيقمش وياخود خصوصى اولديغى ايچون أطرافنده سحر تلقّى ايديلن أسكى فلسفهلرى اولديغى گبى؛ آلههلرى أسكى يونان قفاسنده يرلشديرن و أصنامى توليد ايدن فلسفۀِ طبيعيه باتاقلغيدر. أوت طبيعتڭ پردهسى ايله اللّٰهڭ نورينى گورمهين إنسان، هر شيئه بر الوهيت ويروب كندى باشنه مسلّط ايدر.