إشتغاله وقت بيراقمييور. هر حالده او وظيفهيى اوندن أوّل بر طائفه بر جهتده گورهجك. او ذات، او طائفهنڭ اوزون تدقيقاتى ايله يازدقلرى أثرى كندينه حاضر بر پروغرام ياپاجق، اونڭ ايله او برنجى وظيفهيى تام ياپمش اولاجق. بو وظيفهنڭ إستناد ايتديگى قوّت و معنوى اوردوسى، يالڭز إخلاص و صداقت و تساند صفتلرينه تام صاحب اولان بر قسم شاكردلردر. نه قدر ده آز ده اولسهلر، معنًا بر اوردو قدر قوّتلى و قيمتلى صاييليرلر.
ايكنجى وظيفهسى:
خلافتِ محمّديه (عصم) عنوانى ايله شعائرِ إسلاميهيى إحيا ايتمكدر. عالمِ إسلامڭ وحدتنى نقطۀِ إستناد ايدوب بشريتى مادّى و معنوى تهلكهلردن و غضبِ إلٰهيدن قورتارمقدر. بو وظيفهنڭ، نقطۀِ إستنادى و خادملرى، ميليونلرله أفرادى بولونان اوردولر لازمدر.
اوچنجى وظيفهسى:
إنقلاباتِ زمانيه ايله چوق أحكامِ قرآنيهنڭ زدهلنمهسيله و شريعتِ محمّديهنڭ (عصم) قانونلرى بر درجه تعطيله اوغراماسيله او ذات، بتون أهلِ ايمانڭ معنوى يارديملريله و إتّحادِ إسلامڭ معاونتيله و بتون علما و أوليانڭ و بِالخاصّه آلِ بيتڭ نسلندن هر عصرده قوّتلى و كثرتلى بولونان ميليونلر فداكار سيّدلرڭ إلتحاقلريله او وظيفۀِ عظمايى ياپمغه چاليشير.
شيمدى حقيقتِ حال بويله اولديغى حالده، أڭ برنجى وظيفهسى و أڭ يوكسك مسلگى اولان ايمانى قورتارمق و ايمانى تحقيقى بر صورتده عمومه درس ويرمك، حتّى عوامڭ ده ايماننى تحقيقى ياپمق وظيفهسى ايسه معنًا و حقيقةً هدايت ايديجى، إرشاد ايديجى معناسنڭ تام صراحتنى إفاده ايتديگى ايچون، نور شاكردلرى بو وظيفهيى تماميله رسالۀِ نورده گوردكلرندن، ايكنجى و اوچنجى وظيفهلر بوڭا نسبةً ايكنجى و اوچنجى درجهدر دييه، رسالۀِ نورڭ شخصِ معنويسنى حقلى اولارق بر نوع مهدى تلقّى ايدييورلر. او شخصِ معنوينڭ ده بر