سربستيتنى قزانماسى گوسترييور كه؛ او موقعنه لايقدر كه، قبل الوقوع إمامِ على رضى اللّٰه عنه و غوثِ أعظم (قُدِّسَ سِرُّهُ) اوندن خبر ويردكلرى گبى، بونلر كوى و ناحيه و ولايتم، بنمله برابر شعورسز اولارق گلهجگنى حسّ ايدوب مسرور اولمشلر (حاشيه).
سزى أسكى طلبهلرم و أسكى آرقداشلرم و قارداشم و برادرزادهم عبد المجيد و عبد الرحمٰنلر بيلديگمدن، بو محرم سرّى سزه آچدم.
أوت بن يگرمى درت ساعت أوّل حسّاسيتمله و أعصابمڭ رطوبتدن تأثيريله رحمت و ياغمورڭ گلمهسنى حسّ ايتديگم گبى، عينًا اويله ده؛ بن و كويم و ناحيهم، قرق درت سنه أوّل رسالۀِ نوردهكى رحمت ياغمورينى بر حسِّ قبل الوقوع ايله حسّ ايتمشز ديمكدر.
عموم قارداشلريمزه و همشيرهلريمزه سلام و دعا ايدرز و دعالرينى رجا ايدرز.
* * *
___
(حاشيه): أوت رسالۀِ نورڭ ترجمانى هم فقير، هم عادى ايكن؛ شانسز و عامى بر خانهدن اولديغى حالده، تاريخچۀِ حياتنده يازيلديغى گبى؛ فوق العاده إستغنا و هديه و صدقهلرى قبول ايتمهمك و أمثالسز بر عزّتِ علميه ناميله كيمسهيه باش أگمهمك و تنزّل ايتمهمك و حدّندن بيڭ درجه زياده ايشلره گيريشمك گبى حاللر، بو مذكور سردن ايلرى گلمشدر.