بڭا تسليم ايتدكلرى رسالۀِ نورڭ بر قسمنى، قارداشلريمه جواب ويرهجگم، بتوننى يازسينلر، اونلره هديه ايدهجگم. چونكه اونلر، رسالۀِ نورڭ بوندن صوڭرهكى خدمتنه تام حصّهداردرلر. بو مسئلهده بن دڭزلى شهرينى كندى قريهمه آرقداش ايدوب بتون أمواتنى و أهلِ ايمانڭ حياتده اولانلرينى هم كندم، هم رسالۀِ نورڭ طلبهلرى، معنوى قزانجلريمزه حصّهدار ايتمگه قرار ويردك. دڭزلى حپسخانهسنى ده، بر إمتحان مدرسهمز تلقّى ايدييورز. و بزمله علاقهدار هم دڭزليده، هم حپسده عمومنه و خصوصًا تام عدالتنى گورديگمز محكمه هيئتنه چوق سلام و دعالر ايدرز.
* * *
عزيز، صدّيق قارداشلرم!
قطعيًا شكّ و شبههمز قالمادى كه؛ بو خدمتمزڭ نتيجهسى اولان رسالۀِ نورڭ سربستيتنى دگل يالڭز بز و بو آناطولى و عالمِ إسلام آلقيشلايور، تقدير ايدييور؛ بلكه كائنات ممنون اولوب جوِّ سما، فضاىِ عالم آلقيشلايور كه؛ اوچ درت آيده ياغموره شدّتِ إحتياج واركن گلمدى و دڭزليده محكمهنڭ بِالفعل تسليمنه قرار ويرمهسى، ينه ليلۀِ معراجده عينًا رسالۀِ نورڭ بر رحمت اولديغنه إشارةً ليلۀِ رغائبه توافق ايدهرك كثرتلى مَلكِ رعدڭ آلقيشلاماسيله و رحمتڭ أميرطاغنده گلمهسى، او تسليم قرارينه توافق ايتمهسى و بر هفته صوڭره ديمك دڭزليده وكيللرڭ أليله آلينمهسى هنگاملرنده ينه عينًا ليلۀِ معراجه و ليلۀِ رغائبه توافق ايدهرك عينًا اونلر گبى جمعه گيجهسنده كثرتلى رحمت و ياغمورڭ بو مملكتده گلمهسى او توافقلريله قطعى قناعت ويردى كه؛ رسالۀِ نورڭ مصادرهسنه و حپسنه درت زلزلهلرڭ توافقى كُرۀِ أرضجه بر إعتراض اولديغى گبى، بو أميرطاغى مملكتنده درت آى ظرفنده يالڭز