شاهيله برابر قوجه‌مان اوردويى مولا

اولسون دييه محبوبه نشان، أيلدى موتا

هم قَومِ قُريش، سوندوره‌لم ديركن او نورى

أركك و قادين، جمله‌سنڭ قاچدى حضورى

مشرك و مُوَحِّدْ، ايكى فرقه اولوب عربان

ييللرجه دوكولمش ينه قان اوستنه بر قان

شقّ ايتدى قمر، فخرِ بشر، اول يوجه سَرْور

هر يرده و هر آنده اونڭ نورى مظفّر

قرآندى قولى، نوردى يولى، اُمّتى موطلى

اُمّت اولانڭ قلبى بتون نور ايله طولدى

چكمزدى كدر، اول سوزى جوهر، ئوزى كوثر

اول سورۀِ كوثر، ديدى أعداسنه «أبتر!»

اول شمسِ أزلدن قاچينان اول قورو باشلر

غيّاىِ جهنّمده بتون ياقمش آتشلر

بيتمشدى نَفَس، چيقمدى سس، بيقدى ده هركس

اول نوره واروب باش أگه‌رك هم ديديلر پس

إدراكى اولان قافله آيريلدى قُريشدن

فيض آلمق ايچون طوغمش اولان شانلى گونشدن