نور دردى ايچون تختنى ترك أيلدى أدهم
بر باشقهسنڭ تختى اولور دردينه مرهم
چوق شخصِ ولى، نور ايله هم ايتدى قناعت
چوق شخصِ دنى، نور ايله هم بولدى كرامت
هر هپسى ده پروانهسى، اُفتادهسى نورڭ
هر هپسى معمّا، گوجى يتمز بو شعورڭ
فيللرله واروب كعبهيه هم أبرهه ظالم
ايستردى كه ياپسين نيجه بيڭ درلو مظالم
ايستردى كه او بيت ييقيلوب شهرتى سونسون
خلق كعبهيى ترك ايدهرك كليسايه دونسون
ايستردى كه چكسين طوغهجق نوره بر سد
هم طوغمادن ئولسون دييه محبوبِ مؤبّد
گونلرجه گيدوب كعبهيه هم ياقلاشان اوردو
بردن بره بر تهلكه سزمش گبى طوردى
سرعتله گلوب بر سورو قوش، سمتِ بحردن
طاش حربنه باشلار پك عجيب هپسى ده بردن
ايندكجه هوادن او معمّا گبى طاشلر
جانسز ييقيلوب يرلره ياتمش نيجه باشلر