حاصلى، بِالجمله مكنوزاتِ حكمتپرورڭ،
هر بريدر أهلنه، بر آفتابِ حقنما.
إلٰهى بِحقِّ أسمائكَ الحسنى،
تا قيامت منتشر اولسون، عيونِ أهلِ حق بولسون جلا.
أى مؤلّفِ رسالۀِ النور، گر ايدرسڭ إفتخار بجادر،
غبطه ايدرسه جمله إخوانڭ سڭا، چوق سزادر.
چونكه أيلهدڭ ايمانِ تحقيقه بر ممرّ،
ألده ايتدڭ شاه أثرله زخر يوم المفر.
بيليرم دگلسڭ أنبيادن بر نبى (حاشيه)،
لٰكن ألڭده نهدر بو نورِ معتبر؟
فوزيا سن ايتمه تطويلِ كلام،
أيلر ألبت أهلِ عرفان، عرضِ تحسينِ أثر.
فقير طلبهڭز كوچك خسرو
محمد فيضى
* * *
___
(حاشيه): مولانا جامى، مولانا جلال الدينِ رومى حقّنده ديمش:
﴿مَن چِه گُويَمْ دَرْ وَصْفِ اٰنْ عَالٖى جَنَابْ ۞ نِيسْتْ پَيْغَمْبَرْ وَلٖى دَارَدْ كِتَابْ﴾
جامىنڭ بو فقرهسنڭ مئالنه إشارت ايتمك ايستهيورم.