ايكنجى مبحث
إنسانڭ سعادت و شقاوتنه مدار
بش نكتهدن عبارتدر.
(إنسان أحسنِ تقويمده ياراديلديغى و اوڭا غايت جامع بر إستعداد ويريلديگى ايچون؛ أسفلِ سافليندن تا أعلاىِ علّيّينه، فرشدن تا عرشه، ذرّهدن تا شمسه قدر ديزيلمش اولان مقاماته، مراتبه، درجاته، دركاته گيرهبيلير و دوشهبيلير بر ميدانِ إمتحانه آتيلمش، نهايتسز سقوط و صعوده گيدن ايكى يول اونڭ اوڭنده آچيلمش بر معجزۀِ قدرت و نتيجۀِ خلقت و أعجوبۀِ صنعت اولارق شو دنيايه گوندريلمشدر. ايشته إنسانڭ شو دهشتلى ترقّى و تدنّيسنڭ سرّينى «بش نكته»ده بيان ايدهجگز.)