صداقت و فداكارلغه، أعظمى إقتصاد و قناعته مالك اولماسى شرطدر.
خلاصه اولارق؛ مفسّرڭ، قرآنى رسالهلريله، رسالتِ أحمديهنڭ (عصم) أعظمى تقوا و أعظمى عبوديتى و قوّۀِ قدسيهسيله ده ولايتِ أحمديهنڭ (عصم) لمعاتنه مظهر اولمش خادمِ قرآن بر ذات اولماسى...
طوقوزنجيسى: مفسّرڭ، قرآنى و شرعى مسئلهلرى بيان ايدركن، شو ويا بو تضييق و إشكنجه يى نظره آلميان، هر هانگى بر تأثير آلتنده قالارق فتوا ويرمه ين و ئولومى إستحقار ايدوب، دنيايه ميدان اوقوياجق بر ايمان قوّتيله حقيقتى پرواسزجه سويله ين إسلامى شجاعت و جسارته مالك اولان بر مفسّر اولماسى گركدر.
هم إعدام پلانلرينڭ تطبيق ايديلديگى و بر تك دينى رساله نشر ايتديريلمديگى دهشتلى بر دورده، بِالخاصّه إمحا ايديلمسى و سوندورولمسى هدف طوتولان قرآنى، شرعى أساساتى تأليف و نشر ايتمش