حقيقتلى بر رؤياىِ خياليهده، برنجى حربِ عمومينڭ بشنجى سنهسنده، بر عجيب رؤياده بندن صورولدى:
«مسلمانلره گلن بو آجلق، بو ضايعاتِ ماليه و مشقّتِ بدنيه نهدندر؟»
رؤياده ديمشدم:
«جنابِ حق، بر قسم مالدن اونده بر (حاشيه ١) ويا بر قسم مالدن قرقده بر (حاشيه ٢)، كندى ويرديگى مالندن بريسنى بزدن ايستدى؛ تا بزه فقرالرڭ دعالرينى قزانديرسين و كين و حسدلرينى منع ايتسين. بز حرصمز ايچون طمعكارلق ايدوب ويرمدك. جنابِ حق متراكم
___
(حاشيه ١): يعنى هر سنه تازه ويرديگى بغداى گبى ماللردن اونده بر.
(حاشيه ٢): يعنى أسكيدن ويرديگى قرقدن كه؛ هر سنهده غالبًا و لا أقل ربحِ تجارى و نسلِ حيوانى جهتيله او قرقدن تازه اولارق اون عدد ويرر.