ايديڭز، ايچيڭزه بر مباينت دوشمهسين. إنسان خطادن خالى اولاماز، فقط توبه قپوسى آچيقدر. نفس و شيطان، سزى قارداشڭزه قارشى إعتراضه و حقلى اولارق تنقيده سَوق ايتديگى وقت دييڭز كه: «بز دگل بويله جزئى حقوقمزى، بلكه حياتمزى و حيثيتمزى و دنيوى سعادتمزى، رسالۀِ النورڭ أڭ قوّتلى رابطهسى اولان تسانده فدا ايتمگه مكلّفز. او بزه قزانديرديغى نتيجه إعتباريله دنيايه، أنانيته عائد هر شيئى فدا ايتمك وظيفهمزدر.» دييوب نفسڭزى صوصديريڭز! مدارِ نزاع بر مسئله وارسه، مشورت ايديڭز. چوق صيقى طوتمايڭز، هركس بر مشربده اولماز. مسامحه ايله بربرينه باقمق، شيمدى ألزمدر.
عموم قارداشلريمزه برر برر سلام ايدرز.
سعيد النورسى
❊ ❊ ❊