دهشتلى ظلم اولديغنى گوستردى. ايچنده هيچ بر فائده اولماديغى تظاهر ايتدى. اويله ايسه، دشمنلريمزڭ سيّئاتى، (تجاوز اولمامق شرطيله) عداوتڭزى جلب ايتمهسين. جهنّم و عذابِ إلٰهى كافيدر اونلره.
بعضًا إنسانڭ غرورى و نفسپرستلگى، شعورسز اولارق أهلِ ايمانه قارشى حقسز اولارق عداوت ايدر؛ كندينى حقلى ظن ايدر. حالبوكه بو خصومت و عداوتله، أهلِ ايمانه قارشى محبّته وسيله اولان ايمان، إسلاميت و جنسيت گبى قوّتلى أسبابى إستخفاف ايتمكدر، قيمتلرينى تنزيل ايتمكدر. عداوتڭ أهمّيتسز أسبابلرينى، محبّتڭ طاغ گبى سببلرينه ترجيح ايتمك گبى بر ديوانهلكدر.
مادام محبّت عداوته ضددر. ضيا و ظلمت گبى، حقيقى إجتماع ايدهمزلر. هانگيسنڭ أسبابى غالب ايسه، او حقيقتيله قلبده بولونهجق؛ اونڭ ضدّى