تأويل ايدنلرڭ حركاتى، ياقين بر زمانده سوءِ تأويله اوغرار، جزاسنى چكر.
و هكذا بتون أخلاقِ حسنه و سيّئه، بو مقياسه گوره ئولچولملى. بن رحمتِ إلٰهيهدن اُميد ايدرم كه؛ رسالۀِ نوردن بو زمانده تظاهر ايدن معنوى إعجازِ قرآنىيى ذوق ايدن ذاتلر، بو معنوى أذواقى حسّ ايدرلر؛ سوءِ أخلاقه مبتلا اولميهجقلر، إن شاء اللّٰه.
❊ ❊ ❊
اوچنجى نقطه: إنسانڭ حياتِ اجتماعيهسنى إفساد ايدن بر دسيسۀِ شيطانيه شودر كه: بر مؤمنڭ بر تك سيّئهسيله، بتون حسناتنى اورتر. شيطانڭ بو دسيسهسنى ديڭلهين إنصافسزلر، مؤمنه عداوت ايدرلر. حالبوكه جنابِ حق حشرده عدالتِ مطلقه ايله ميزانِ أكبرنده أعمالِ مكلّفينى طارتديغى زمان، حسناتى