اوتوزنجى سوزڭ ايكنجى مقصدى
(تحوّلاتِ ذرّاته دائردر)
شو آيتڭ خزينه‌سندن بر ذرّه‌يه إشارت ايده‌جكدر.
﴿بِسْمِ اللّٰهِ الرَّحْمٰنِ الرَّحٖيمِ﴾
﴿وَقَالَ الَّذٖينَ كَفَرُوا لَا تَاْتٖينَا السَّاعَةُ قُلْ بَلٰى وَرَبّٖى لَتَاْتِيَنَّكُمْ عَالِمِ الْغَيْبِ لَا يَعْزُبُ عَنْهُ مِثْقَالُ ذَرَّةٍ فِى السَّمٰوَاتِ وَلَا فِى الْاَرْضِ وَلَٓا اَصْغَرُ مِنْ ذٰلِكَ وَلَٓا اَكْبَرُ اِلَّا فٖى كِتَابٍ مُبٖينٍ﴾
(شو آيتڭ پك بيوك خزينه‌سندن بر مثقال ذرّه مقدارنده، يعنى ذرّه صندوقچه‌سنده اولان جوهرى گوسترر و ذرّه‌نڭ حركت و وظيفه‌سندن بر نبذه بحث ايدر. شو مقصد، بر «مقدّمه» ايله «اوچ نقطه»دن عبارتدر.)
مقدّمه
تحوّلاتِ ذرّات؛ نقّاشِ أزلينڭ قلمِ قدرتى، كتابِ كائناتده يازديغى آياتِ تكوينيه‌نڭ هنگامنده‌كى إهتزازاتى و جولانيدر. يوقسه مادّيون و طبيعيّونلرڭ توهّم ايتدكلرى گبى تصادف اويونجغى و قاريشق، معناسز بر حركت دگلدر. چونكه