معصوملرڭ قانلرينى ايچرلر
أبو جهلى، نمرودلرى گچرلر
ئولوملردن ئولوملرى سچرلر
أى شيمدى بر رحمتِ عالم رسالة النور
بر ميقروب كه، جگرلرى ديشله‌يور
قانمزله كنديسنى بسله‌يور
تميز يوردى تلويث ايدوب پيسله‌يور
أى بر أجزاخانۀِ رحمتِ عالم رسالة النور
غازيلرڭ، فاتحلرڭ قوناغى
سيّدلرڭ، سَرْورلرڭ اوتاغى
بو وطندر، شهيدلرڭ ياتاغى
أى جلوۀِ رحمتِ عالم رسالة النور
او شهيدڭ آلا دونمش كفنى
مسكلر قوقار، گُله بڭزر بدنى
اوپر مَلكلر ده نورلى نعشنى
أى نمونۀِ رحمتِ عالم رسالة النور
قرآن دييور ئولمه‌مشدر، ديريدر
هر بريسى حقّڭ آرسلان أريدر
تُربه‌لرى يوركلرى تيتره‌تير
أى آيينۀِ رحمتِ عالم رسالة النور