رسالۀ نور آوروپا، آمريقا و آفريقاده ده حسنِ توجّهه مظهر اولمش؛ باشده بختيار آلمانيا و فينلانديا اولمق اوزره، بر چوق مملكتلرده اوقونمغه باشلانمشدر.
بو جملهدن اولمق اوزره، آلمانياده بَرلين تكنيك اونورسيته مسجدينه رسالۀِ نور كلّياتى قونولمش و شرقيات اونورسيتهسى إلٰهيات بولومنده رسالۀِ نور حقّنده قونفرانس ترتيب ايديلمشدر. آلمانيادهكى إسلامى فتوحاتده، رسالۀِ نورڭ بيوك رولى اولمشدر.
يونانستانڭ گُومُلْجِنَه شهرنده حافظ على أفندى طرفندن آچيلان درسخانهده رسالۀ نور درسلرى ده اوقوتديريلمقده و يوزلرجه رسالۀ نور طلبهسى يتيشمكدهدر.
فينلاندياده إسلام جماعتى رئيسى طرفندن رسالۀِ نور نشر ايديلمكده و بو سايهده بر چوق فينلى مسلمان اولمقدهدر. ژاپونيا و قورهده ده رسالۀِ نورڭ بر چوق اوقويوجيلرى بولونمقدهدر. قوره حربى مناسبتيله توركيهدن قورهيه گيدن متعدّد نور طلبهلرى طرفندن بتون كلّيات اورايه گوتورولمش؛ بو أثرلرڭ بر قسمى ژاپون اونورسيتهلرينه و بر قسمى ده قوره كتبخانهلرينه هديه ايديلمشدر. بو وسيله ايله ژاپونيادهكى إسلام جماعتى ده، رسالۀِ نوردن إستفاده ايتمگه باشلامشدر.
هندستان و أندونزيادهكى مسلمانلر ده رسالۀِ نوردن محروم قالمامشلردر. حجّه گيدن بر نور طلبهسى طانيشديغى بر هندلى عالمه رسالۀِ نور كلّياتنى هديه ايتمش و او عالم ده أثرلرى هندجهيه ترجمه ايدهجگنى و بونڭ كنديسى ايچون بيوك بر وظيفه اولديغنه اينانديغنى سويلهمشدر.
آمريقادهكى واشينغتون جامعنه بعض رسالهلر هديه ايديلمش و بورادهكى مسلمانلرڭ ده بو أثرلردن إستفادهلرى صاغلانمشدر.
عراقدن گوندريلن رسالۀ نور أثرلرى مناسبتيله، واشينغتون إسلام كولتور مركزى گهنل سكرهترى طرفندن أثرلرى گوندرن نور طلبهسنه بر تشكّر مكتوبى يازيلمشدر.