رسالۀ نور و خارج مملكتلر
رسالۀ نورڭ خارج مملكتلردهكى فتوحاتنه قيصه بر باقيش
رسالۀِ نور، يگرمنجى عصرڭ علم و فن سويهسنه اويغون مثبت بر متودله عقله و قلبه خطاب ايدهرك إقناع و إثبات يوليله گيتديگى ايچون، يالڭز توركيهده دگل، خارج مملكتلرده ده حسنِ قبوله مظهر اولمشدر. أثرلر، مملكتمزده يڭى يازى ايله مطبعهلرده باصيلمادن أوّل، باشده پاكستان و عراق اولمق اوزره ديگر إسلام مملكتلرنده عربجه، اوردوجه، إنگليزجه و هندجه طبع ايديلهرك بتون عالمِ إسلامه طانيتيلمش و فوق العاده توجّهه مظهر اولارق گنيش بر اوقويوجى كتلهسى بولمشدر.
بديع الزمان قرق أللى سنهدن بَرى، يالڭز عالمِ إسلامده دگل، بتون دنياجه طانينمش ممتاز بر شخصيتدر. كنديسى، كوچك ياشندن بَرى علم ساحهسنده إلزام ايديلمهمش اولديغندن؛ گرك داخلده و گركسه خارجده نظرلر اوزرينه چوريلمشدر. عالمِ إسلامڭ علم مركزى اولان جامع الأزهر، اونڭ مرتبۀِ علمنى و يوكسك ذكاسنى اونورسيته ركتورى شيخ بخيت گبى مدقّق عالملر واسطهسيله إدراك ايدركن، مثبت علملردهكى درين وقوفى ده بتون دنيايه ياييليوردى. مصر