﴿بِاسْمِهٖ سُبْحَانَهُ﴾
عزيز، صدّيق قارداشلرم!
أوّلا: نورڭ أهمّيتلى مجموعهلرينى مكّۀِ مكرّمهيه گوتوروب غايت بيوك بر هندلى عالم أحمد على شمشيرىيه تسليم ايدوب، هم هندجهيه ترجمه ايتمگه و هم ده هنده گوندرمگه تأمينات آلان نورڭ أهمّيتلى قهرمانلرندن قارداشمز حافظ مصطفىيه بيڭلر بارك اللّٰه و ما شاء اللّٰه و أسعدك اللّٰه ديرز. مدرسة الزهرا، مكّۀ مكرّمهدهكى او بيوك ذاتله مخابره ايتسين.
ثانيًا: بو دفعهكى حادثهده، بر حبّهيى، أوهام يوزندن چوق قبّهلر ياپدقلرينى اوگرندك. بر أمارهسى ده شودر: داخليه وكيلنڭ أمريله گيجه ايچنده آفيون واليسى، أمنيت مديريله بورايه گلوب گيجهده منزلمى باصمق ايستهمشلر. مدّعىعمومى موافقت ايتمديگندن صباحه قدر بكلهيوب أڭ زياده عليهمزده بولونان ايكى آدمى تعيين ايدوب، كليديمى قيروب فجئةً باصقين ويرمهلرى؛ هم عين گون (حاشيه) فايطونله چيقديغم وقت بوراده أمثالى وقوع بولميان بر شكلده بش طيّاره پك آشاغيده اوچوب بنم فايطونمى بيلدكلرى ايچون أطرافمده ايكى اوچ دفعه دونمهلرى، ايكنجى گون باشقه بر طرفه، چوق گورونمهين گيزلى بر دره طرفنه فايطونله گيدركن آشاغيده اوچان بش طيّارهنڭ بر شى آرايور گبى
___
(حاشيه): أوت، بورادهكى نور شاكردلرى نامنه تصديق ايدييورز، حادثه عينًا وقوع بولدى.
أوت أوت أوت أوت خدمتكارى أوت أوت
ترزى مصطفى إسماعيل مصطفى نورى خيرى خليل