إستناد و بر حسنِ مثال اولمشلردر. نور طلبهلرينڭ بو ايمان قوّتلرى و دينسزلگه قارشى قهرمانجه مجادلهلرى، خلقڭ اوزرنده چوق تأثير ياپمش و بر إنتباه (اويانيقلق) حصوله گتيرمشدر. بويلهلكله، ملّتڭ ايچندهكى قورقو و أوهاملرى ده رسالۀِ نورله إزاله ايتمشلر، وطن و ملّته عمومى بر جسارت، اُميد و فرحلق حصوله گتيروب مسلمانلرى يأسدن قورتارمشلردر.
رسالۀِ نورى غايۀِ حيات ايدينن بر نور طلبهسى، يوز آدم قوّتنده اولديغى و يوز ناصح قدر ايمان و إسلاميته خدمت ايتديگى، أهلِ حقيقتجه مسلّم و مصدّقدر. نور طلبهلرى؛ دينسزلگڭ شعشعهلى تعرّضلرينه، طنطنهلى يايغارهلرينه، ظلملرينه، حپسلرينه؛ استادلرى گبى، قيمت ويرمهدن، قورقمهدن، لزومنده جانلرينى، ماللرينى، أولاد و عياللرينى دخى چكينمهدن رسالۀِ نورله ايمان و إسلاميته خدمت اوغرنده فدا ايتمشلردر. نور طلبهلرى، تك بر شيئى غايه ايدينمشدر: «ايمانلرينى قورتارمق نيّتيله رسالۀِ نورى اوقومق و رضاىِ إلٰهى ايچون ايمان و إسلاميته رسالۀ نورله خدمت ايتمك.» بو غايهلرنده موفّق اولمق ايچون، هر شيلرينى بو خدمته خدمتكار ياپمشلردر.
أوت نور طلبهلرى، اُمّتِ محمّديهيى ساحلِ سلامته چيقاران بر سفينۀِ ربّانيهنڭ خدمهلرى اولدقلرينه اينانمشلردر. حياتده أڭ بيوك غايهلرى؛ قرآن و ايمانه خدمت ايدهرك، اُمّتِ محمّدڭ رفاه و سعادت ايچنده ياشاماسنه وسيله اولمقدر. رسالۀِ نورڭ أل يازيسيله نشرى سنهلرنده، أولرندن يدى سكز سنه چيقمهدن رسالۀِ نورى يازوب نشر ايدنلر اولمشدر. او زمانلر إسپارطه حواليسنده أركك، قادين، گنج و إختيارلردن بيڭلرجه نور طلبهسى، حتّى نور درسخانهسى اولان صاو كويى بيڭ قلمله، سنهلرجه نور رسالهلرينى يازوب چوغالتييورلردى. (رسالۀِ نور، تأليفندن يگرمى سنه صوڭره، تكثير ماكينهسى ايله نشر ايديلمش و اوتوز سنه