رسالۀ نورڭ تأليفى و نشرى

بديع الزمان سعيد النورسى حضرتلرى اويله مشكل و آغير وضعيتلر آلتنده رسالۀِ نور كلّياتنى تأليف ايدييور كه، تاريخده هيچ بر علم آدمنڭ قارشيلاشمديغى زورلقلره معروض قالييور. فقط سونمه‌ين بر عزم، إراده و خدمت عشقنه مالك اولديغى ايچون؛ ييلمادن، ييپرانمادن، اوصانوب بيقمادن، بتون قوّتنى صرف ايده‌رك أمثالسز بر صبر و تحمّل و فراغتِ نفس ايله، بو ملّت و مملكتى قومونيزم أژدرندن، ماصون آفاتندن، دينسزلكدن محافظه ايده‌جك (ايدن و ايتمكده اولان) و عالمِ إسلامى و بشريتى تنوير و إرشادده بيوك بر رهبر اولان بو خارق العاده رسالۀِ نور أثرلرينى ميدانه گتيرييور. يوز اوتوز پارچه اولان رسالۀِ نور كلّياتنڭ تأليفى، يگرمى اوچ سنه‌ده ختامه أرييور. نور رساله‌لرى، شدّتلى إحتياج زماننده تأليف ايديلديگندن، هر يازيلان رساله، غايت شفالى بر ترياق و علاج

______

گوروب تا اوزاقلردن تيكنلره باصارق «بديع الزمان ده‌ده! بديع الزمان ده‌ده!» دييه أميرطاغ كويلرينڭ يوللرنده قوشوشان معصوم چوجقلر مناسبتيله، استاديمزدن صورمشدق. او زمان: «بو معصوملرڭ عقللرى درك ايتمييور، فقط روحلرى بر حسِّ قبل الوقوع ايله حسّ ايدييور كه؛ رسالۀِ نورله بونلر هم ايمانلرينى قورتاره‌جق؛ هم وطنلرينى، هم كنديلرينى، هم إستقباللرينى دهشتلى تهلكه‌لردن محافظه ايده‌جكلرى ايچون بو حقيقتى قلبلرى حسّ ايتمش؛ و بنم رسالۀِ نورڭ ترجمانى اولمام حسبيله، رسالۀِ نوره عائد محبّت، تشكّرات و منّتدارلغى بڭا گوسترييورلر.» ديدى و اونلره دعا ايتديگنى سويله‌دى. استاد بديع الزمان، چوجقلرى پك سَور، بويله أطرافنده طوپلاندقلرنده: «معصوم اولديغڭز ايچون دعالريڭز مقبولدر، بڭا دعا ايديڭز.» دييه اونلره إلتفات ايدردى.

ايشته، آننه‌لرى هپ نور طلبه‌لرى اولان بولوادين معصوملرينڭ صميمى علاقه‌لرينڭ سببى بو ايدى.