قرار ويرييور. صوڭره ده نقصانلرڭ إكمالى ايچون چاليشمغه باشلايور. فقط بو چاليشمه بر درلو تماملانمييور و محكمه متماديًا تعليق ايديلييور. بديع الزمان و طلبهلرى، حكم قطعيت كسب ايتمهدن، ويريلن جزا مدّتنى حپسخانهده گچيردكدن صوڭره تخليه ايديلمشلردر. يوقاريده آڭلاتيلديغى وجهله، محكمه اوچ سنهدن بَرى اوزاتيلمقدهدر. (حاشيه)
ميليارلر دفعه يازيقلر اولسون كه؛ وطنه، ملّته و گنجلگمزه و عالمِ إسلامه أڭ مقدّس ايمان خدمتنى ياپان، بشرڭ بتون معنوى إحتياجنى قارشيلايهجق درجهده خارق العاده و معظّم أثرلر ويرن بو داهى و مِثلسز ذات؛ محكمهلردن محكمهلره سوروكلنمهده، حپسخانهلرده چوروتولمگه چاليشيلمقدهدر.
بديع الزمان يگرمى سنهده اولديغى گبى، شو اوچ درت سنهده ده او قدر أمثالسز بر إشكنجهيه معروض قالمشدر كه، تاريخده هيچ بر علم آدمنه بو قدر جانيانه بر سوءِ قصد ياپيلمامشدر. دڭزلى حپسنده بر آيده چكديگى صيقنتىيى، آفيونده بر گونده چكمشدر! كنديسنه، بتون بتون قانونسز معاملهلر ياپيلمشدر. حپسخانهده تام يگرمى آى، قيشين چوق صوغوق اولان غيرِ منتظم بر قوغوش ايچنده يالڭز بيراقيلهرق، تجريدِ مطلق ايچنده إمحا اولماسنه إنتظار ايديلمشدر. قيشڭ أڭ شدّتلى گونلرنده، حپسخانه پنجرهلرينڭ ايكى ميلم بوز طوتديغى زمانلرده زهر ويريلمش؛ إختيار، چوق خسته حاليله، آيلرجه إضطراب چكديريلمشدر. مبارك ياتاغنده، بر طرفدن بر طرفه دونهميهجك بر حاله گلديگى زمانلرده بيله، خدمتنه، بر طلبهسى اولسون مساعده ايديلمهمشدر. او قورقونج
___
(حاشيه): بو آفيون محكمهسى صوڭره ايكى دفعه برائت ويرمش و نهايت ١٩٥٦ ده بتون رسالۀ نور كلّياتنى و عموم مكتوبلرى بِلا إستثنا بديع الزمانه إعاده ايتمشدر.