گنجلر، مدرسۀ يوسفيهدن آيريلمق ايستهميهرك، «بديع الزمان داها بوراده قاليرسه، بز كنديمزى صوچلى گوستروب جزا آلاجغز، اوندن آيريلميهجغز، رسالۀ نوردن درس آلاجغز...» ديمشلردر.
دڭزلى حپسنده «ميوه رسالهسى» إسملى أثر تأليف ايديلدكدن صوڭره، حپسخانهده تأثيرلى بر إصلاحات مشاهده ايديلييور... بو وضعيت، دشمنلرى دخى تقديره سَوق ايدييور.
رسالۀِ نورڭ ماهيتنى دقّت و تفكّرله اوقويهرق آڭلايوب تحقيقى بر ايمانه صاحب اولان خالص نور طلبهلرى؛ ئولومدن، حپسدن، زنداندن و هيچ بر بشرى أذا و جفادن قورقمازلر. مقدّس قرآن و ايمان خدمتيله، وطن و ملّت و عالمِ إسلام و بشريتڭ أبدى قورتولوشنه چاليشيركن، دينسزلرڭ دوچار ايتديگى بر ظلم و مصيبتله قارشيلاشيرلرسه، أصلا فتور و اميدسزلگه دوشمزلر؛ حپسلره إفتخار و ممنونيتله گيررلر. اونلرڭ تك بر إستناد نقطهلرى واردر. او ده، صِرف رضاىِ إلٰهى ايچون، إخلاصله، قرآن و ايمانه خدمتلريدر. معصوم و مظلوملرڭ محافظى جنابِ حقدر. هيچ بر مانعهيه أهمّيت ويرميهرك، رسالۀِ نورى اوقومغه و نشر ايتمگه، قهرمان استادلرى مِثللو فراغتله چاليشيرلر. بونڭ ايچوندر كه، يگرمى بش سنهلك مدهش بر إستبدادِ مطلق ايچنده نورلره چاليشان نور طلبهلرى، ايمان و إسلاميت خدمتنده صارصيلمامشلردر. «ظاهرده ضررلى گبى گورونن شيلر، حقيقتده نعمتدر. زحمتده رحمت واردر. ايمان خدمتى اوغرنده باشمزه نه گلسه خيردر. بز باشمزه گلهجگى دوشونمكله مكلّف دگلز، خدمتِ قرآنيه ايله مكلّفز. بز، ربِّ رحيممزڭ دائما عنايتى آلتندهيز. ئولسهك شهيدز، قاليرسهق قرآنڭ خدمتكارىيز. إسلاميت دشمنلرى بزى مؤبّد دنيا حپسنه ده محكوم ايتسهلر، بزلر ينه رسالۀ نورڭ