صورتنده گورونويورلر. بونلرڭ توجّهِ رحمتِ إلٰهيهيى و قبولِ ربّانيهيى گوسترن بو يوكسك تقدير و تحسينلرينه قارشى، محدود بر قسم سرسرى و هايلاز و سفيهلرڭ تحقيركارانه نظرلرينڭ هيچ بر أهمّيتى اولاماز. حتّى بر گون خستهلق ايچون آرابه ايله گيتديگم زمان، چوق آغيرلق حسّ ايتدم. و صوڭره سزڭ گبى أليم باغلى برابر گيتديگم وقت، بيوك بر إنشراح و معنوى بر فرح حسّ ايتدم. ديمك او حال، بو سردن ايلرى گلمش.
چوق دفعه سويلهديگم گبى ينه تكرار ايدييورم كه؛ تاريخده رسالۀِ نور شاكردلرى گبى حق يولنده پك چوق خدمت ايدن و پك چوق ثواب قزانان و پك آز زحمت چكن گورولمييور. بز نه قدر مشقّت چكسهك، ينه اوجوزدر.
* * *
﴿بِاسْمِهٖ سُبْحَانَهُ ۞ وَ اِنْ مِنْ شَىْءٍ اِلَّا يُسَبِّحُ بِحَمْدِهٖ﴾
عزيز، صدّيق قارداشلرم!
بو مصيبتمزدن قاچمق و قورتولمق، ايكى جهتله قابل دگلدى:
برنجيسى: قدرِ إلٰهى قسمتمزڭ بر قسمنى بورادن بزه يديرمك ايچون هر حالده گلهجك ايدك. أڭ خيرليسى بو طرزدر.
ايكنجيسى: عليهمزه چوريلن طولابدن قورتولمق إمكانى بولمادق. بن حسّ ايتمشدم، فقط چاره يوقدى. بيچاره مرحوم شيخ عبد الحكيم، شيخ عبد الباقى قورتولامديلر. ديمك بو مصيبتده بز بربريمزدن شكوا ايتمك؛ هم حقسز، هم معناسز، هم ضررلى، هم رسالۀِ نوردن بر نوع كوسمكدر. صاقين صاقين، خاص ركنلرڭ گوستردكلرى فعاليتى بو مصيبته بر سبب گوروب اونلردن گوجنمك ايسه،